bouchrakitchen

* صفية من مراكش : الدجاج بالزعتر و الخردل// دجاجة مقطعة على 4 ثم تعصري عليها الحامض و ترشيها بسكينجبير ، في زلافة نجمعو كأس صغير من الموطارد و 3 ضروس ثوم محكوكين ، كأس عصير حامض ، 3 معالق كبار من الزبدة ، ملح ، ابزار ، معلقة زعتر مدقوق و تمعسي الكل حتى تحصلي على عجينة و ممكن نفرشو شرائح البطاطس ، ثم تغمري الدجاج حتى تشرب الدغميرة ثم صبيعات من الزبدة من الفوق و تدخليه للفرن و تخليه يتحمر من الوجه مزيان على نار مهيلة.

- طنجية في الكوكوط : 1 كيلو لحم الملج ، 5 ضروس ثومة صحاح ، شوية الزعفران في الماء دافئ ( نصف كأس) نصف حامضة مرقدة بالبابة ، معلقة صغيرة سمن ، 2 معالق كبار كمون حبوب وتحكيه بين يديك ثم تضيفي ماء الزعفران على اللحم ثم تطيبيه على نار مهيلة حتى يتقلى مزيان.

- قشيوشات محمضين : ربيع ، بصل و ثوم محكوك ، زيت العود ، ابزار ، خرقوم، سكينجبير ، كامون ، الحامض مصير ، تسلق قشاوش الدجاج مع الحامض نصف سلقة ، ثم نرميوهم في طنجرة مع العطرية ونخليوهم حتى يطيبو و يتحمرو و تزيدي عليهم رأس المعلقة من السمن.

*عزيزة من قصبة تادلة : عصير باللبن و الخضر // 1لتر لبن ، 2 بطاطات ، ياغورت مشمش ، نصف كأس سنيدة ، خيزو ، خنيشة فانيلا ، نجمعو الكل و نطحنو في الطحان الكهربائي و نخليوه يبرد .

*حليمة من بوزنيقة : كيكة بالشكلاط // في خلاط كهربائي نوضعو زلافة حليب ، زلافة سنيدة ، زلافة زيت ، باكية الشكلاط غبرة ، يطحن الكل و تكبيه في كاسرونة و تطبخيه شوية فوق نار مهيلة و تاخذي كأس تدريه في الثلاجة و الباقي من الخليط تضيفي ليه 6 البيضات مطربين و الطحين حسب الخليط و 4 الخمارات ثم تسكبيها في مول و تدخليها للفرن ، ثم تسقى بالكاس اللي وضعنا في الثلاجة و هي سخونة ثم توضع في المبرد ويمكن التزيين بالكاوكاو.

* هند من فرنسا : طارط بالحامض و المرانك // العجين ديال الصابلي تشترى جاهزة.

الكريمة : 2 حامضات صغار ، 150 غرام سكر ، 4 البيضات ، شوية ملح ، شوية حليب بارد ، تحكي الحامض و تديري قشوره في كاسرونة مع العصير و السكر و 2 أصفر بيض ونضع الكل فوق نار مهيلة ، و الأبيض يترك جانبا.

تحمر العجين قليلا في الفرن و تخوي فيها الكريمة حتى تشد راسها و تخرجيها .

2 أبيض البيض تطربيهم حتى يصبحو بحال الثلج و تضيفيه على الطورطة ثم تدخل للفرن تتحمر شوية ومن بعد ما تبرد تحط في الثلاجة ونقدموها بالصحة و الراحة.