bouchrakitchen

اليوم في حديث ومغزل مع سناء الزعيم قدمو لينا المستمعات مجموعة من الشهيوات المختلفة و هذه هي :

*أمينة من سيدي يحيى : الدجاج محمر // دجاجة ، ثومة مدقوقة مزيان مع البصل المفروم ، زعفران شعرة ، ابزار ، ملح ، سكينجبير ، زيت المائدة و زيت العود .

تدهن الدجاجة و تاخذي نصف كأس زيت و تشحري التوابل بلا بصل ثم نوضعو الدجاجة و تزيدي الماء وفاش يتشحر المرق تلوحي البصل وفاش تطيب الدجاجة ناخذوها جانبا وتبداي تدعقي البصل حتى تولي الصلصة خاترة ثم تضيفي القشاوش و الكبدة في الأخير ثم الحامض مصير و الزيتون الأخضر وتقدمي الدجاج محمر بالصحة و الراحة.

- طاجين اللفت : لحم البقري ، بصل ، ثوم ، سكينجبير ، قرفة ، تقلي اللحم على نار مهيلة ثم تلوحي الحمص حتى يدخلو الطياب ثم اللفت وفاش يطيب تلوحي الزبيب و العسل و تقدميه و يفضل استعمال اللفت المحفور.

*مريم من الصويرة : كيكة بالشطلاط // 1كأس سنيدة ، 1كأس زيت المائدة ، 3 البيضات ، 1كأس ياغورت فاني ، قشرة برتقالة ، 2معالق صغار من الشكلاط غبرة ، 2خمارات حمرين ، 1 فانيلا ، تجمعي كل المكونات ماعدا الشكلاط غبرة اللي غادي نقسموه على 2 الأول يخلط مع خليط الكيكة و الثاني يترك للتزيين في الأخير ثم ندخلوها للفرن .

فاطمة من فاس : غريبة البهلة // رابعة زبدة ديال الطاسة ، 1 كأس زيت ، 1كأس سكر كلاصي ، زلافة لوز مقطع بقشرته ، زلافة زنجلان محمر ، 3 خمارات ، معلقة صغيرة من المسكة حرة مدقوقة مع شوية من السكر كلاصي أو الطحين ، 1كيلو فرص ، تجمعي الكل و تكرصيهم و تديريهم في طبسيل ثم ندخلوهم للفرن على نار مهيلة وفاش تبدا تفركع و تحمر شوية من الوجه نخرجوها و نقدموها بالصحة و الراحة.

* عائشة من الكارة : الرفيسة بالحرشة و الدجاج البلدي // 3 أو 4 البصلات مقطعين أطراف ، ربطة الربيع ، خرقوم ، ملح ، ابزار ، سمن ، ثومة ، شوية المساخن تعمري بهم الدجاج ثم تقليها في المرق مع البصل ثم الحلبة و تاعدس و تشدي عليهم يطيبو .

تخلطي الحرشة بالسميدة متوسطة و تعجنيها مزيان ثم تفوريها وترويها و تخليها لمدة ربع ساعة حتى تشرب اللذة ثم تحطي الدجاج و تضيفي العدس و الحلبة و نقدموها بالصحة و الراحة.

* بشرى من زعير : طاجين السفرجل معمر بالكفتة // نقيو السفرجل و تقسميه على 2 ثم تخويه شوية من القلب و تعجنيه مع الكفتة متبلة .

يطيب السفرجل مع الملح ، الابزار ، و السكر و القرفة ثم تعمري السفرجل ، في طاجين تقطعي البصل و التوابل و الحامض و الربيع و الثومة و الزيت ثم تشحري مزيان وتستفي السفرجل و تخليه يطيب غير بالمهل و ممكن للناس اللي ماكيبغيوش الحلاوة ممكن يطيبو السفرجل بدون سكر و لاقرفة .