حديث ومغزل مع سناء الزعيم - شهيوات المستمعات
اليوم في حديث ومغزل مع سناء الزعيم قدمو لينا المستمعات مجموعة من الشهيوات المختلفة و هذه البعض منها :
* وفاء من البيضاء : الروز بالجبن // رابعة من الروز عادي مسلوق ، وفي مقلاة نوضعو 2 معالق من الزيت مع الثومة محكوكة و طرف من صدر الدجاج ، بصلة مشلظة ، ورقة الرند ، ملح ، ابزار و تزيدي عليهم نصف كأس ماء ثم فاش يبرد تطحنيه ثم يعجن مع الأرز و تضيفي ليهم بيضة و تكوري و تاخذي طرف مورتاديلا ثم تفنديه في الدقيق و تقلي الكويرات في زيت سخونة .
- جبن بلدي : نصف لتر لبن تملحيه و تخليه جانبا ، نصف لتر حليب بلدي تفيضيه ثم تسكبيه مباشرة على اللبن و بعد 10 دقائق ثم تصفيه في ثوب حياتي و تخليه يقطر ثم توضعيه في ثلاجة وممكن تنسيمه بالأزير أو الزعتر أو زيت العود.
- المهلبية : نصف لتر من عصير البرتقال ، نفس الكمية من الماء ، سكر حسب الذوق و 3معالق من النشا ، و تدفيهم و تخلطي مزيان ثم تكبيها في كؤوس باش تبرد ويمكن تزيين الوجه بالزبيب أو شرائح اللوز....
* حسنية من سيدي بنور : حلوى النخالة // 6 البيضات ، 2 كيسان سنيدة ، 2 كيسان زيت ، 2 خمارات ، 4 الكيسان من الكوك ، تجمعي الكل جيدا و تعملي بها كويرات و تغطسيها في ماء الزهر ثم السكر كلاصي و تدخليها للفرن .
- حلوى ديال البرقوق : 380 غرام فرص ، 100 غرام سكر ثقيل ، 180 غرام زبدة ، 1 بيضة .
الحشوة : 100 غرام برقوق يابس ، 25 غرام سكر .
في اناء تخلطي الدقيق بالسكر و الزبدة و بيضة ثم تغطي الخليط و تخليه في الثلاجة مدة 10 دقائق ، يسلق البرقوق بعدما نحيدو ليه العظام مع شوية السكر حتى يتعسل ثم تدلكي العجين و تطبعيها بمرشم دائري و تديري شوية البرفوق في الوسط و تدهني العجينة بأبيض البيض حتى تلصق مزيان العجينة من الفوق و تدخليها للفرن و فاش تخرجيها تدردري السكر كلاصي على الوجه.