حديث ومغزل مع سناء الزعيم - شهيوات المستمعات
اليوم في حديث ومغزل مع سناء الزعيم قدمو لينا المستمعات مجموعة من الشهيوات المختلفة و هذه البعض منها :
* أمال من الدار البيضاء : بيتزا بالطون // زلافة و نصف فرص ، الزعتر ، كأس زيت العود و شوية الملح و الخميرة و تعجني الكل و تخليها ترتاح .
فلفلة و بصلة و مطيشة محكوكة ، زعتر ، زيت العود و تشحري الحشوة ثم تطيبي العجين مصف طيبة و تعمريها بالحشوة و نرشو بالفرماج و ندخلوها للفرن.
* جميلة من مراكش : وصفة لتحضير العسل اقتصادية // 1قالب سكر نوضعوه في كوكوط ، 1كأس كبير من الزهر و يبات وفي الغد تضيفي ليه تاعصير حامضة أو كاس العنبة و جلوف الحامض و تشدي الكوكوط غير تصفر الكوكوط و تطفي ثم تضيفي نصف كأس ماء الزهر و هاهو العسل جاهز.
* مريم من سلا : بطبوط معمر // رابعة الدجاج ، 1 ياغورت بدون سكر ، أوراق الخص ، نصف معلقة من عصير الحامض ، نصف معلقة من الثوم محكوك ، مايونيز للدهن ، الملح ، ابزار ، ربع معلقة كبيرة من سكينجبير ، 2 معالق من زيت المائدة ، حبة خيزو مسلوقة نصف سلقة ثم تحك في الحكاكة الطويلة و يشحر الكل و نعمرو به البطبوط .
* حكيمة من الصويرة : طاجين اللحم بالبرقوق و اللوز // 1 كيلو لحم ، 6 معالق زيت ، 2بصلات ، ملح ، نصف ماعقة من الابزار ، سكينجبير ، الزعفران الحر ، 4 أطراف ثوم و خرقوم ، تشحري اللحم ثم تمرقيه ، البرقوق يطيب جانبا مع الزبدة و القرفة و السكر وفاش يوجد الكل تقدميه مع التزيين باللوز و الزنجلان.
* لطيفة من البيضاء : كلاص // 1 كيلو فريز ، خنيشة فلان بنكهة الفريز ، 1 علبة حليب مركز ، تطحني الكل جيدا ثم تحافظي عليهم في المجمد لمدة 6 ساعات قبل تقديمه ، ويمكن استعمال كل أنواع الفواكه مع اضافة النكهة الملائمة من الفلان أو خنشة الفانيلا.
* فاطمة من سبت كزولة : بريوات معمرين بالدجاج // رابعة الطحين ، رابعة الزبدة ، ملح ، بيضة ، تعجني الكل و تخلي العجين ترتاح ثم تعجنيها من جديد و تخليها ترتاح في الثلاجة لمدة 10 دقائق .
* فاطمة من سبت كزولة : بريوات معمرين بالدجاج // رابعة الطحين ، رابعة الزبدة ، ملح ، بيضة ، تعجن العجين و نخليوها ترتاح ثم تعجنيها و تخليها ترتاح في الثلاجة مدة 10 دقائق .
بصلة مشلظة ، دجاجة ، ملح ، ابزار ، خرقوم ، سودانية ، شعرية صينية ، وتشحري الكل و تعمري العجين و تكون على شكل بسيطلات صغار و تتكي بالشوكة ثم تدخليهم للفرن يتحمرو .
* وفاء من سطات : فلان // 1 لتر حليب ، 8 البيضات ، 3 فانيلا ، 2 كيسان سنيدة ، يخلط الكل و تزيدي ليه الكراميل و تديريهم في حمام مريم يطيب لمدة ساعة ثم نخليوه يبرد و تزينيه و تقدميه بالصحة و الراحة.