حديث ومغزل مع سناء الزعيم - شهيوات المستمعات
في برنامج حديث ومغزل مع سناء الزعيم على راديو أصوات كيقدمو لينا المستمعات مجموعة من الشهيوات البنينة و هذه البعض منها :
* راضية من تادلة : البغرير // دقيق الحرش ، خميرة الدار و الملح و تخلطي هاد العناصر و تخليها ترتاح و في مقلاة ثقيلة تديري الزيت باش ما تلصقش و تطربي مع اضافة خمارة و فانيلا للخليط و تطيبي الخليط وفاش تحيدي كل بغريرة تمسحي بزيف ناشف و أخرى مدهونة بالزبدة أو الزيت .
* منية من بني ملال :كيكة ساهلة // في طحان كهربائي نوضعو 1 بيضة ، نصف كأس زيت ، كأس سنيدة ، كأس حليب ثم تخلطي و تضيفي خمارة و كأس و نصف ديال الدقيق و خمارة و تخلطي الكل و توضعيها في الفرن .
* أم خولة من مراكش : عصير برتقال اقتصادي و لذيذ // 1 كيلو ليمون يغسل جيدا و يعصر و القشرة توضعيها في اناء مع 1 كيلو الا ربع من السكر و تتركيه في الثلاجة مع العصير و تخلطي بملعقة خشبية لمدة 4 ساعات حتى يذوب السكر و تحصلي على سيرو لايتجمد و كل كأس تخلطيه مع 1 لتر ماء بارد كيجي بنين .
* رحيمو من تطوان : اللحم بالنوكا // 2 كيلو لحم ، 2 بصلات مشلظين ، القزبر و المعدنوس مربط ، 1 ضرس ثومة صحيح ، سمن ، راس الحانوت ، زعفران شعرة ، 1 كاس زيت مخلط ، ابزار ، سكينجبير و ترقدي اللحم في التشرميلة و يطيب شوية ثم تمرقيه .
النوكا : ربع كيلو زبيب مطحون ، رابعة اللوز مقلي و مهرمش ، قرفة مطحونة ، بسيبيسة ، نويويرة ، 200 غرام سنيدة و 2 معالق كبار ماء الزهر و تخلطي الكل و تعسليه فوق نار مهيلة مع التحراك و فاش تبرد تزيني .
- بطاطس مقلية : بطاطا حمراء مغسولة و تقسم على 4 بقشورها و في كأس مخلط كأس الحليب مع الزعتر و الملح و الابزار و الطحين و ترقدي فيه البطاطا و فاش تشرب تقليها أو تدخليها للفرن .
فاطمة الزهراء من بني ملال : الشباكية // 2 كيلو طحين ممتاز ، كأس و نصف زبدة ذائبة ، كأس زيت بلدية ، 1 زلافة زنجلان مقلي و مطحون ، 2 معالق من القرفة البلدية ، نصف كأس حبة حلاوة و النافع مطحونين و الملح ، ثم تخلطي الكل و تذوبيه في الغربال و تحطيه على جنب .
3 البيضات ، قرعة ماء الزهر ، 3 خنيشات من الملون الغذائي ، 2 معالق كبار من الخميرة معجونة ، 2 خمارات حمرين ، تخلطي الكل حتتى يتجانسو و في الأخير تضيفي كأس خل و تكون العجين متجانسة ثم تدلكي و تشبكي.
* أمينة من العيون : 1 كيلو من الزنجلان محمر شوية ، 1 كيلو طحين ، 125 غرام زبدة ، معلقة كبيرة من القرفة ، مسكة حرة ، نصف كأس زيت ، 1 خمارة الحلوى ، نصف كأس ماء الزهر ، 2 بيضات ، راس معلقة من خميرة معجونة ، ملح و تجمعي الكل بماء دافئ و تدلكيها و تقطعيها بالجرارة على شكل مربعات و تجمعيها من الأطراف على شكل بليغات ثم تقلى في الزيت سخونة و تطفيها في العسل و ممكن تعمر من الوسط أو تزين في الوجه بلوزة .