حديث ومغزل مع سناء الزعيم - شهيوات المستمعات
Publicité
اليوم في حديث و مغزل مع سناء الزعيم قدمو لينا المستمعات مشكورات مجموعة من الشهيوات و هذه البعض منها :
* سمية من بني ملال : نصائح للسيدات لتحضير المملحات // ما بين 10 الى 15 يوم قبل رمضان من الضروري وضع المملحات في بلاستيكة للمجمد .
البريوات : الكفتة ديال اللحم ، 3 خيزو محكوكين ، 3 الكرعات محكوكين ، 3 المكور محكوك ، بصلة مشلظة ، القزبر و المعدنوس ، ملح ، ابزار ، سكينجبير ، شوية الجوزة ، التحميرة ، الهريسة حسب الذوق ، يشحر الكل و تعمري بهم الورقة على شكل سيكار .
- الشوصون بالكاشير : الكاشير محكوك ، زيتون مقطع ، الشعرية الصينية ، الفطر ، الربيع ، زيت و العطرية و تشحريهم و تعمري بهم الشوصون .
* فاطمة من الرباط : بريوات الدجاج // دجاجة ، 5 البصلات كبار ، 4 الحامضات ، حامض مصير و شعرية الصينية ، الزعفران الحر ، خرقوم بلدي ، ملح ، ابزار ، حفنة المعدنوس و شوية البسيبيسة ، تشلظي البصل و تديري عليها دجاجة مقطعة أطراف ، زيت العود ، السمن البلدي و زيت المائدة ، فاش تطيب الدجاجة تحيديها و تخلي المرق يتقلى مع اضافة المعدنوس و الشعرية الصينية ثم الدجاج مقطع و الزيتون مقطع صغير و كذلك الحامض المصير و تعمري البريوات على شكل مثلث و تقليهم .
- شوصون بالبصل و الفرماج : 4 البصلات مقطعين مثل التفاية و تشحريهم بالزيت أو الزبدة و تاخذي 5 أو 6 مكعبات الفرماج و تخلطيهم مع البصل و 8 البيضات مع الملح و الابزار و تطيبيهم مع التخلاط و فاش يبردو تحكي البيض في الحكاكة و تضيفيه للخليط الأول ونعمري العجين ديال الشوصون و تدهني الوجه بالبيض و تزيني بالحبة السوداء مقطعة على شكل دوائر أو الزنجلان أو زريعة الكتان و ندخلوهم للفرن.
* ابتسام من البيضاء : عصائر // حبة مانجا خيزو مسلوقين و 1 لتر ليمون و يطحن الكل كيجي رائع .
- عصير الباربا بالحليب : 4 الحبات باربا مسلوقين ، ياغورت طبيعي ، 2 معالق سكر ، 1 لتر حليب و يطحن الكل و يقدم باردا .
*رجاء من مراكش : كابوتشينو // نصف كأس ماء ، نصف كأس قهوة سريعة الذوبان و تطحنيهم في الخلاط .
- معقودة بالحمص : زلافة حمص مرقد و مفزك ، 2 بيضات ، ملح و يطحن الكل في الخلاط و تبداي تقلي الكويرات .
- كلاصاج : 1 لتر ماء ، رابعة سكر ، قشور الحامض محكوكين ثم توضعيهم على نار مهيلة حتى يتعسل.
* نادية من زايو : عجينة الشوصون // 1 كأس حليب ، 1 كأس زيت ، معلقة صغيرة من الخميرة ديال الخبز ملح ، سكر و الدقيق حسب الخليط و خاص تبقى العجين رطبة .
* فاطمة من العيون : الياغورت // 1 ياغورت فاني ، 250 غرام حليب غبرة ، رابعة السكر ، 1 فانيلا ، 1 خمارة حمراء ، يخلط الكل في 1 لتر ماء بارد و 1 لتر ماء طايب و تديريه في بانيو و تغطيه و تخليه يبات ليلة كاملة و يقدم باردا .