حديث ومغزل مع سناء الزعيم - شهيوات المستمعات
اليوم في حديث ومغزل مع سناء الزعيم قدمو لينا المستمعات مشكورات مجموعة من الشهيوات المختلفة و هذه البعض منها :
* مريم من الرباط : بيتزا // 5 معالق كبار من الحليب ، 1 بيضة ، كأس و نصف ماء ، نصف كأس زيت ، معلقة صغيرة من سنيدة و أخرى ملح و خمارة الحلوى و خميرة العجينة و من كأس الى 2 من الطحين و يخلط الكل ، ثم ناخذو فلفلة واحدة مشحرة و بصلة مشحرة و الطون و الفرماج محكوك و الصلصة ، ثم تخوي الخليط في مول الكيكة و تخوي عليها الخضر المشحرة و نخليوها تطيب و تلوحي الفرماج من فوق .
* سارة من فرنسا : مربى الفراولة // 1 كيلو فريز ، نصف كيلو سنيدة ، 1 كأس ماء و نخليوهم فوق عافية مهيلة مع التحراك مدة نصف ساعة و يكون جاهز و نفس الطريقة تصلح للتين .
- حلوى الفرماج : نصف كيلو زبدة ، 1 فانيلا ، نصف باكية خميرة ، 8 الفرماجات مربعين أو نثلثين ، 2 كيسان سكر و الطحين حسب الخليط ، تطلق العجين على شكل صابلي و ترشميها أو تقطع بالطابع و فاش تطيب تديري المربى في الوسط و كذلك على الوجه.
- ميل فوي : 250 غرام من العجين المورق ، تطلق فوق الورق الشفاف و كتديري فوقها لاطة ثقيلة و تعيدي العملية بالنسبة ل3 عجائن ثم تطيب كل واحدة على حدة حتى تتحمر شوية .
الكريمة : نصف لتر حليب ، 5 أصفر بيض ، 100 غرام سنيدة ، 60 غرام مايزينا ، 1 فانيلا أو نصف عود الفاني الطري ، نسخنو الحليب فوق عافية مهيلة بلا ما يفيض و تطربي أصفر البيض مع السكر حتى يطلع أبيض البيض ثم تخلطيهم بالمهل و تديري الخليط فوق نار مهيلة مع اضافة مايزينا تدريجيا .
تستفي الطبقة الأولى من العجين ثم الكريمة ثم الطبقة الثانية ثم الكريمة ثم الثالثة ، يطرب 2 معالق من السكر الصقيل مع 2 معالق من الماء حتى يولي طالع و تسكبيه على الوجه ثم تذوبي الشكلاط الأسود و تديريه في جيب الحلواني أو شوكة و تديريه على شكل دوائر و تبداي تجري بالسكين باش ترسمي شكل تذبذبات على الوجه.
* حليمة من البيضاء : غريبة // 500 غرام لوز مسلوق و مطحون ، مسكة حرة ، معلقة صغيرة من خميرة الحلوى ، معلقة صغيرة من الزبدة ، 3 أصفر بيض ، 1 بيضة كاملة ، رابعة من السكر الكلاصي ، معلقة كبيرة من قشرة الحامض و للتزيين أبيض البيض و رقائق اللوز ، يخلط الكل و تكوريها كويرات صغار و تمرديها في أبيض البيض ثم رقائق اللوز ، وفي لاطة مدهونة تدخل للفرن يكون سخون حتى يتحمر و منين تطيب تدهني الوجه بالناباج.
- عصير للتركيز : 12 حبة من الثمر ، معلقة كبيرة من ماء الزهر ، شوية قرفة ، معلقة كبيرة من الزبيب ، كأس كبير و نصف حليب و يطحن الكل و يقدم في الفطور .
* رشيدة من تطوان : ميل فوي // نصف كيلو طحين ، زلافة صغيرة من الزبدة صحيحة و تخلطي مزيان مع الماء ثم نضعها ترتاح في بلاستيك غذائي .
الكريمة : لتر و نصف من الحليب ، 180 غرام سنيدة ، 3 أصفر بيض ، تطربي بالطراب الكل ثم على نار مهيلة مع التحراك ، ثم تكور العجين و تقسميها على 4 قطع و تبداي تخدمي العجين و تحطي الزبدة في الوسط و تدلكيها ثم تبداي تعمري من بعد .
300 غرام سكر كلاصي ، 3 معالق ماء ثم تطربي مزيان و تدهني من فوق و تزيني بالشكلاط الأسود و تشرطي بالسكين .
* مريم من خنفرة : غريبة الكوك // 4 البيضات ، زلافة الزيت و زلافة سنيدة و حامضة محكوكة ، معلقة من مربى المشمش ثم زلافة الكوك و خمارة حمراء و 1 فانيلا و 700 غرام سميدة رقيقة ثم نجمعوها و خاصها تكون جارية .
تكور العججين و تديريها في ماء الزهر و تفنديها في السكر كلاصي و تزيني باللوز ثم في فرن يكون سخون نوضعوها تطيب لمدة 10 حتى 15 دقيقة .