bouchrakitchen

اليوم في حديث ومغزل مع سناء الزعيم قدمو لينا المستمعات مجموعة من الشهيوات المختلفة و هذه هي :

*سميرة من البيضاء: كراتان بالبصل و البطاطس// نصف كيلو بطاطس ، بصلة محكوكة ، ضامة البنة ، 50 غرام فرماج محكوك ، 2 معالق زبدة ، شوية الكوزة ، 2 ضروس ثومة ، ملح و الابزار .

نقطعو البطاطس مربعات و نخلطوها مع البصلة المحكوكة ثم تدهني اللاطة بالزبدة و تحطي الخضر وترشي بالثومة و الملح و الابزار و الكوزة و الفرماج محكوك و ندخلوها للفرن و يقدم بالصحة و الراحة.

*هجرة من بني ملال : الشيبس بالبطاطس// 3معالق من الزبدة ، نصف كأس ماء ، ملح ، 2 بيضات ، 4 البطاطس ، تشوى البطاطس في الفرن صحيحة و تذوبي الوبدة مع الملح و الماء و تطربي البيض ثم تصفي البطاطس و فاش تبرد تخلط مع الزبدة و البيض ثم توضع في الزيت و ممكن تضيفي الملون و الابزار و السوداني للحصول على نكهة و لون و تقلى في الزيت و تقدم بالصحة و الراحة.

* جليلة من البيضاء : بسطيلة بالحوت // نصف كيلو كلمار ، نصف كيلو قمرون ، سمك أبيض ، يسلق الكل مدة 2 دقائق و تسلق الشعرية الصينية ثم يقكع السمك و الكل و نضيفو ليه الزيتون الحار مقطع و الكورنيشون ، السمن ، زعتر ، الهريسة ثم تديريهم في الورقة ديال البسطيلة و ندهنو بالزبدة من الفوق و ندخلوها للفرن.

*حنان من مراكش : السردين مطحون مع الخضر و مقلي // كيلو سردين يطحن مع التوابل و الملح ، الابزار ، الكامون ، التحميرة ، الثومة ، و يخلطو بحبة واحدة بكل من البدنجال ، البصل ، الفلفلة الحمراء و الخضراء الكل مقطع رقيق ، ثم نحكو البطاطا مع السردين و 2 بيضات ، القزبر و المعدنوس و الكرافس و يقلى على شكل كويرات .

*وفاء من المحمدية : طارطت التفاح // 6 معالق كبار سنيدة ، 6 معالق زيت ، 6 معالق كبار من الحليب ، 4 البيضات ، 1 خمارة الحلوى ، 1 فانيلا ، 8 معالق كبار من الدقيق ، نصف كيلو تفاح ، يخلط الكل و يقشر التفاح و يقطع ثم نقسمو العجين على 2 ثم يطلق الجزء الأول وتفرشي التفاح ثم نضيفو النصف الثاني من العجين ، ثم ناخذو كأس من الكوك و كأس سنيدة و كأس الزبدة مذوبة و تخلطيهم و تخويهم على الوجه و تدخل للفرن تتحمر و نقدموها باردة .

* بشرى من قلعة السراغنة : الطنجية بمذاق المشوي // 1كيلو من لحم الملج ، 150 غرام زبدة ، 2 ضامات ديال الزعفران ، راس المعلقة من الكامون ، راس معلقة من القزبر يابس ، شوية من تحميرة ، يخلط الكل مع الزبدة ثم تشرملي اللحم مع نصف كأس ماء ، تشعلي الكوكوط حتى تسخن ثم تديري اللحم بحال غادي تشويه ثم تجهدي العافية حتتى يغلي ثم نقصو العافية و نخليوه مدة 45 دقيقة مع تحراك اللحم و يولي المرق قهوي و تزيدي شوية الماء و فاش يطيب اللحم نقصو العافية و نخليوه يتقلى مزيان وفي التقديم يزين ببيض السمان وحسب كل سيدة.

- كويرات اللحم : 150غرام ستيك اللحم ، تذوب الزبدة مع الملح و الابزار ، نقطعو الستيك طريفات صغار و تطحن مع 4 معالق من صلصة البيشاميل تكون ثقيلة و 2معالق معدنوس طري و مكرض و بيضة و 1 معلقة من الشابلور ثم نعملو كويرا بهاد الخليط و نمرروهم في الدقيق ثم في البيض ثم الشابلور و اللوز مهرمش و الزنجلان و تقلى الكويرات ونقدموها بالصحة و الراحة.