حديث ومغزل مع سناء الزعيم . شهيوات المستمعات .
*أم حمزة من بني ملال : طاجين الفلفلة معمرة // لحم حسب الموجود ، بصل و مطيشة و الربيع و العطرية حسب كل سيدة ، روز مسلوق نصف سلقة و يخلط مع الربيع و الابزار و التحميرة ، الخرقوم ، ملح ، زيت ، ثم تعمري به الفلفلة و تستفيها في طاجين مع اللحم و تشعلي عليه العافية و أثناء الطهي تاخذي المرق و تسقي به الوجه و نقدموه بالصحة و الراحة.
* أم هبة : كلميم // صلصة البيتزا // 4 المطيشات كبار و مقسومين و محيدين ليهم الزريعة و نخليو القشرة ثم تطحن في الطحان الكهربائي و البصل كذلك مع نصف كأس ماء ، في كاسرونة بها 2معالق من زيت المائدة و معلقة من زيت العود و شوية الزعتر و 2 معالق من مطيشة الحك و معلقة صغيرة من السكر ، ملح ، ابزار ثم تطيبيها حتى تشحر و فاش تبرد تحافظي عليها في المجمد و نستعملوها في أي وقت بالصحة و الراحة.
*ليلى من البيضاء : غريبة بالقشور ديال البرتقال // نصف كيلو من قشور الليمون ، 2 كيسان من زيت العنبة ، 2 كيسان سكر ، 2 بيضات ، 2خمارات ، 2كيسان ديال الكوك ، ملح ، نصف كيلو فرص وقشرة الليمون محكوكة و للتزيين ماء الزهر أو أبيض بيضة و نفندها في اللوز ايفيلي وندخلوها تطيب في الفرن.
* سكينة من برشيد : كيكة بالسميدة // كأس زيت ، كأس سنيدة ، كأس سميدة رقيقة ، 2 كيسان فرص ، 4 البيضات ، 1 كأس رايبي ، 4 الخمارات حمرين ، حامضة محكوكة ،نخلطو الكل في خلاط كهربائي و نطيبوها في فرن .
* أمينة من المضيق : البسبوسة // 6 البيضات ، كأس زيت ، كأس سكر ، كأس حليب ، 1 فانيلا ، 2 خمارات ، قشرة حامضة محكوكة ، 2 معالق من الكوك ، 2 معالق من الطحين ، 250 غرام سميدة ، يخلط الكل و نضعه في طبسيل للفرن مدهون بالزبدة و مرشوش بالسميدة و فاش تطيب تسقى بالسيرو ثم ترشي بالكوك يكون محمر .
السييرو : كأس ماء ، كأس سكر ، نصف حامضة ، نغليو الخليط و هاهو السيرو موجود .
تقدم البسبوسة باردة بالصحة و الراحة.
