صبيعات بالدجاج
وصفة flute tex mex
750غ صدر الدجاج
8 معالق كبار زيت الزيتون
قشرة 2 حامضات
2 معالق كبار زعتر مكوك
الهريسة
2 معالق كبار سكنجبير طري
الملح
1 معلقة صغيرة تومة جافة
2 معالق كبار بصلة جافة
2 معالق كبار عجينة الفلفل (هراه سبق حطيت الوصفة ديالها ) pâte de poivron
عصير حامضة
250 غ ريكوتا
الطريقة:
نوضعو في إناء زعتر+ بصلة الجافة + تومة الجافة + عجينة الفلفل + الهريسة + سكنجبير طري + قشرة الحامض + عصير حامضة و نخلط كل شي فالدجاج ونخليه مرقد ليلة كاملة.
في المقلة نسختها ونقلي طروفة الدجاج لي قطعناه طروفة غلاض حتى كيتحمر وعاد نزيد الماريناد لي بقات فالاناء وغير تشرب شوية ونحيدهم ونخليه يبرد عاد نزيد ريكوتا و نطحن الكل. من بعد نعمر بيهم ورقة البسطيلة و نديرهم فالطحين من بعد البيض وفي الأخير شابلير لي زدت فيها البصل الجاف+ الزعتر+ الهريسة غبرة + كامون حبوب + قشرة الحامض.
عجينة الفلفل ( طريقة عجينة الفلفل; كناخد واحد الكمية من الفلفلة الحمرة و كنقطعها مربعات صغيرة و كنديرها فوق العافية على نار شوية مهيلة حتى طيح الفلفلة و نطحنها في طحانة اليدوي و نرجعها فوق المقلة مع معلقة الزيت العود ونخليها تبقى تقلى مزيان حتى تعقاد و توقف مزيان. ونخليها تبرد و نديرها في الكونجلتور وهاد العجينة انا كنستعملها فبزاف الحوت العدس التقلية صوص المطيشة اللوبيا تكتوكة ............
